BuiltWithNOF
Schbrich ond Anekdoda

                          

            D’Alb geschdern

          D’Alb heid

          Schdoiäcker

          Schdoiäcker

          Garba

          Mähdrescher

          Feldweg

          Betonschdrossa

          Wiesa

          Wiesa

          Eisabähnle

          Schnellzugtrasse

          Obschdbaim

          Obschdbaim

          Wäldla

          Wäldla

          Höhla

          Freizeitparks

          Küah

          Küah

          Schleifaze

          Skilifte

          Schoofherda

          Oi Schoof

          Ackergäul

          Reitpferde

          Baura

          Agraringenieure

          Höfla

          Aussiedlerhof

          Wacholderbüsch

          Oin Wacholderbusch

          Kuahneschddr

          staatlich anerkannte Kurorte

          Wirtschäfdla

          Ausflugslokale

          Hülba

          Wasserleitungen

          koine Fremde

          an haufa Fremde

          kaum Schduagrdr

          jesasmäßig viel Schduagrdr

     

     

     

     

     

     

     

     

     

     

     

     

     

     

 

 

 

    Zwoi Schwoba in Coronazeiten

    Dräffad sich zwoi Schwoba:

    “Du siehsch heid abr scheiße aus!”

    “Mir gohdsd au nedd guad. I war geschdern z’lang en dr Sonna.”

    “Hoi, hodd dia scho wiedr offa?”

    Physik

    En dr Schual hend mr Physik ghedd. Dr Lehrer hodd an Tafelaschrieb gmachd ond hodd seah wella was so hanga blieba isch.

    “Dieter, komm amol an d’Tafel. Was hanne do nogmoold?” I: “En Schdromkreis”. “Prima Dieter. Von wo nach wo fliesst na dr Schdrom”?

    Da war bei mir glei Sendepause. Eigendlich hodd er bloß von minus nach plus höra wella. Uff des ben i nadierlich nedd komma. Noch ma
    Weile hann i denkd, irgendwas muasch jo jedzd saga. Also hann i dr Zoigestaab gnomma, ben die Zoichnung nochgfahra ond hann gmoind:
    “Nuff-nomm-na-nüber”.

    Do war dr Lehrer nadierlich nedd so ganz zfrieda. “Dieter, no oi Chance om dai Node zom verbessra. Also, was entsteht, wenn Du Deine Händ
    ganz feschd anander reibsch”? I: “Riebala”.

    Isch jo jetzd eigendlich wohr. Abr d’Note war jedzd nedd so bsonders.

     

    En ganz normaler Urlaubsdag

    Dr Dag wird wach

    von de Wella zerschdörd

    also noomol tankd

    em Bad isch Krach

    zom Essa ganga

    hoimwärds gwangd

    s Klo isch besetzd

    an Sonnabrand gfanga

    uffs Bedd nagschdrackd

    a jeder wetzd

    Sieschda gmachd

    Schnoga surrad

    s’Frühstück isch lau

    d’Liege nakrachd

    d’Katza schnurrad

    Krach mi dr Frau

    ens Wasser nai

    Grilla grillad

    d’Kender richda

    schnell wieder raus

    d’Kendr brüllad

    Hendl schlichda

    d’Gosch voller Salz

    dr Mond schaind rai

    na zom Schdrand

    naufgrennd schnell

    heiddanai

    d’Schuah voll Sand

    zom Imbißstand

    leer dr Wai

    s’Badsach schwer

    d’Fiaß verbrennd

    Auga zua

    neidabbd en Teer

    Vino gsoffa

    jetz isch Ruah

    Sonnaschirm glaud

    Weschderwald gsonga

     

    Sandburg baud

    wieder trocka dr Hals

     

     

     

     

     

     

     

     

     

     

     

 


    Schwooba senn half Tüftler
    Eine Schweizer Firma hat einen neuen Draht erfunden. Der ist allerdings so dünn, dass sie nicht in der Lage waren die Dicke zu messen.
    Auch den Amerikanern, den Engländern und auch den Franzosen gelang es nicht, diesen Draht zu messen. In ihrer Verzweiflung haben die
    Schweizer dann bei einem schwäbischen Mittelstandsbetrieb nachgefragt. Nach nur einem Tag ruft der Moischdr in der Schweiz an.
    “Also vermessa hemmrn. Des Drähdle isch 0,00000634 mm dick. Was sollad mr jedzd no macha? A Löchle naibohra, a Rohr draus macha
    odr a Gwend druff schneida?”

     

    Schwäbische Wegbeschreibung
    Ein Autofahrer fragt nach einer bestimmten Familie, die hier im Dorf wohnen soll. Hier die Auskunft: “Dia wohnad ganz henda domma. Wen se do fiersche 
    hendanom fahrad, miassad se s’ganze Gässle wiedr henderschefiersche zrigfahra, omdreah kennad se do henda nedd. Bessr isch, sia fahrad
    hendersche nomm ond fiersche wiedr firre. Fahrad se abr bloos koine Henna dod.” Diemal ohne Links - griagad selbr raus wia ma dees ibrsedzd.
    Tipp: Grondkurs, Lokaladverbien..
     

    Schwäbische Freundlichkeit
    Ein Raigschmeggdr geht in einem Weinberg spazieren. Plötzlich schreit zwischen den Reben der Weinbauer: “Machsch dass Du aus meim Wengrd rauskommsch, du Siach, du liadrlicher, oddr i schlag dr Leif a, dass uff de Schdomba hoimgraddla kaasch! I glaub du bisch z’bleed om a Loch en Schnee zom bronza!” Erschrocken entgegnet der der Ertappte: “Entschuldigung, ich bin fremd hier.” Da beruhigte ihn der Wengerdr gutmütig: “Deswega said mrs eich jo au em guada”. 

    ________________________________________________________________________________________________________________________

  • Dr Baur hot a hondsliadriche Schendmärr zum Weib ghet. Wega dem hot r no emmer gsaid: “Geil verregga isch en Schrecka, Weibersterba koi verderba.
  • _____________________________________________________________________________________________________________________
  • “Beim Biegla gibt sich viel” hot dr Schneider gsaid, wo r gmerkt hot, dass dr Hosalada verkehrt rom neignäht isch.
  • _____________________________________________________________________________________________________________________
     
  • Wenn mr äbbas net so griagd hot, wia mr hot wella, dreschdad mir ons emmr selbr:
  •    -Bessr dr Schbadz en dr Hand, als wia d’Daub uff am Dach
       -Bessr als a Gosch voll Reißnägl
       -Bessr als wia en d’hohl Hand gschissa

    ________________________________________________________________________________________________________________________

  • En Geiziger wardad sogar beim Furz, bis zwoi draus worda sen
  • ________________________________________________________________________________________________________________________
  • En Rood fir älle Rendner: En dr Kiche ned hendra, isch gschafft gnuag
    ________________________________________________________________________________________________________________________
  • Friher isch mr uff am Land jo noo em obnads vor am Haus zehmagsessa. Mir Kendr sen no emmr zom Mooschd holla gschiggd worda. No hen dia Alde gmoind, se kennad äbbas schwädza, was ned fir onsre Aura beschdemmd isch. Des hen mir nadierlich gwissd ond hen ganz schnell dr Mooschd ghold, ond noo no gloasnad. Oft ischs no au om d’Mädla ganga.
    Nochbr:
    “Hosch Du dui geschdrn gseah, wia vill Rossmugga dui em Gsichd ghet hot? Dui hot beschdemmd en ganza Dag mit em Deifl Kuahdregg droscha. Ond so a wiaschde Dengre will am Samschdich heirada.!
    Mai Ähne:
    Awa, dees machd doch nix. A wiaschdr Vogl hot au a schees Neschdle. Ond außerdem kaa ma a Gsichd au zuadegga.

    ________________________________________________________________________________________________________________________

  • Dr Karle isch jesasmäßig bsoffa vom “Ochsa” hoimkomma. Sei Karlena schreid en a: “Jedr Ochs woiß wennr gnug hot” Moind dr Karle: “Wenn i Wassr saufa miast, no wissd i des ao.”
  • ________________________________________________________________________________________________________________________
  • Wenn mr dei Weib von weidam sieht, no moind mr, 's wär a Rendviech. Wenn se aber näher kommt, no isch's a Tatsach.
  • ________________________________________________________________________________________________________________________
  • Bachel wia di hodd mr friher bis zom Hals eingraba, ond was rausguggd hodd, des hodd mr oifach weggschabd.
  • ________________________________________________________________________________________________________________________

Wie ein Schwabe ein sicheres Passwort wählt

Bitte geben Sie ein Passwort ein

mauldasch

Entschuldigen Sie, Ihr Passwort ist leider zu kurz

mauldasch mit kartoffelsalat

Entschuldigen Sie, Ihr Passwort muss mindestens eine Zahl beinhalten

1 mauldasch mit kartoffelsalat

Entschuldigen Sie, Ihr Passwort muss mindestens einen Umlaut enthalten

1 gschmälzte mauldasch mit kartoffelsalat

Entschuldigen Sie, Ihr Passwort darf kein Leerzeichen enthalten

1gschmälztemauldaschamitkartoffelsalatduseggl

Entschuldigen Sie, Ihr Passwort muss mindestens einen Großbuchstaben enthalten

10gschmälztemauldaschamitkartoffelsalatdusegglHEIDANEI

Entschuldigen Sie, Ihr Passwort muss mindestens 1 Sonderzeichen enthalten

10gschmälztemauldaschamitkartoffelsalatdusegglHEIDANEIgr@natadaggl

Entschuldigen Sie, Ihr Passwort darf nur Grossbuchstaben haben, die nicht aufeinanderfolgend sind

Jetzischgnuagheihondaihrobergscheidle10gschmälztemauldaschamitkartoffelsalatondihaueuchodspidzdendrbodaneidusegglHeidaneidassdidr
herrgottmitdrbeisszangwiedrrausziegakagr@natadaggl

Entschuldigen Sie, dieses Passwort ist bereits vergeben. Bitte wählen Sie ein neues!

_____________________________________________________________________________________________________________________________

 

 

[Home] [Brasilien WM 2014] [Grondkurs] [Maulfaul] [Schbrich ond Anekdoda] [Oideidig zwoideidig] [Schwoba/Franzosa] [Schempfwerdr] [Begegnonga] [Musikalische Zeitreise] [Wörterbuch] [Comics] [Impressum]