BuiltWithNOF
Gschichda

    Dr Schuldas Allgaier

    Dr Allgaier isch a Schuldas vom a kloina Flegga uff dr Schwäbischa Alb gwea. Abr en ganz en wiefr.

    Amool hoddr mit a baar andre Schultheiße ond am Herrn Landrad au noo bsonders guad druff. , den dr Allgaier no nie hodd vrbudza kenna, wegam Ortsverschönerungswettbewerb durch da Landkreis fahra miassa. Uff jeden Fall wars a scheener Sommerdag ond dr Allgaier wär liaber mit saine Baura drhoim em Adler bei ra scheena Halbe ghoggd. Abr s’isch wias isch, ond wias isch isch nix, gell.

    Zu allem Übel war dr Herr Landrad au noo bsonders guad druff, was sonschd gar nedd dr Fall war. Wia se noo noch dr Rundreis wieder am Landradsamd aus am Bus ausgschdiega send, hodd dr Landrad gmoind: “So meine Herra Kollegen, war das nicht trotz der vielen Mühen, die ich... äh, die wir uns gemacht haben nicht trotzdem ein wundervoller Tag? Ich sag es ja immer: Wenn Engel reisen, lacht die Sonne.”

    Wia dr Allgaier den abdroschana Spruch vom Landrad hörd, moind r zu seim Kollega, der neba ihm gschdanda isch bloos: “S.h.h.G”. Dr Landrad hodd des mitkriagd ond frogd dommerweis: “Wie war das?” Dr Allgaier: “I sag bloß S.h.h.G”. Dr Landrad jedzd scho erheblich schärfer: “Verehrter Herr Bürgermeister, würden Sie uns diese Abkürzung bitte erläutern!?” “Aber gern Herr Landrad: Seggl hend halt Glück!!”

    Dr Landrad hodd nach Luft gschnabbd, uff am Absatz omdrehd ond isch wia dr Blitz em Landradsamd verschwonda. En saira ganza reschdlicha Amtszeit, hodd sich dr Landrad nie meh was vom Allgaier erklära lassa.

 

    Blondina halt

    War drhoim grad beim Rasamäha. Zmool isch mai Nochbre, a echt attraktive und strohblonde Frau, zu ihram Briefkaschda grennt, hodd en uffgmachd, naiguggd ond noo au glei wieder zuaknallt. A Minud später des gleiche Spiel.

    Jedzd war i aber doch leicht irritiert, hann aber dapfr weitergmähd. Als des Drama aber a drittes Mool bassiert isch, ben i doch neugierig worda ond han se gfrogd: “Fraila Schneider, henn se a Problem?”

     “das will ich meinen” ruft s’Freila Schneider voller Wut, “mein Computer behauptet felsenfest, ich hätte Post!”

     

    Kirbe

    Dr Karle isch von dr Kirbe grad ibr Neggrbrigg hoimgschwankd. Isch jedzd des ledschde Vierdale Schuld gweah odr henn sich die 3 Schdiggla Zwieblkucha nedd mit dem Wai verdraga? Woiss mrs? Uff jeden Fall isch em Karle kotzübel wordda. Also hodd er sich ibers Briggagländer beigd ond hodd saumässig kotza miassa. No kommd grad sei Freind, dr Eugen, vorbei ond moind: “So ischs reachd Karle, no s’Arschloch gschond”

 

            D’Alb geschdern

          D’Alb heid

          Schdoiäcker

          Schdoiäcker

          Garba

          Mähdrescher

          Feldweg

          Betonschdrossa

          Wiesa

          Wiesa

          Eisabähnle

          Schnellzugtrasse

          Obschdbaim

          Obschdbaim

          Wäldla

          Wäldla

          Höhla

          Freizeitparks

          Küah

          Küah

          Schleifaze

          Skilifte

          Schoofherda

          Oi Schoof

          Ackergäul

          Reitpferde

          Baura

          Agraringenieure

          Höfla

          Aussiedlerhof

          Wacholderbüsch

          Oin Wacholderbusch

          Kuahneschddr

          staatlich anerkannte Kurorte

          Wirtschäfdla

          Ausflugslokale

          Hülba

          Wasserleitungen

          koine Fremde

          an haufa Fremde

          kaum Schduagrdr

          jesasmäßig viel Schduagrdr

     

     

     

     

     

     

     

     

     

     

     

     

     

     

 

 

 

    Zwoi Schwoba in Coronazeiten

    Dräffad sich zwoi Schwoba:

    “Du siehsch heid abr scheiße aus!”

    “Mir gohdsd au nedd guad. I war geschdern z’lang en dr Sonna.”

    “Hoi, hodd dia scho wiedr offa?”

    Physik

    En dr Schual hend mr Physik ghedd. Dr Lehrer hodd an Tafelaschrieb gmachd ond hodd seah wella was so hanga blieba isch.

    “Dieter, komm amol an d’Tafel. Was hanne do nogmoold?” I: “En Schdromkreis”. “Prima Dieter. Von wo nach wo fliesst na dr Schdrom”?

    Da war bei mir glei Sendepause. Eigendlich hodd er bloß von minus nach plus höra wella. Uff des ben i nadierlich nedd komma. Noch ma
    Weile hann i denkd, irgendwas muasch jo jedzd saga. Also hann i dr Zoigestaab gnomma, ben die Zoichnung nochgfahra ond hann gmoind:
    “Nuff-nomm-na-nüber”.

    Do war dr Lehrer nadierlich nedd so ganz zfrieda. “Dieter, no oi Chance om dai Node zom verbessra. Also, was entsteht, wenn Du Deine Händ
    ganz feschd anander reibsch”? I: “Riebala”.

    Isch jo jetzd eigendlich wohr. Abr d’Note war jedzd nedd so bsonders.

     

    En ganz normaler Urlaubsdag

    Dr Dag wird wach

    von de Wella zerschdörd

    also noomol tankd

    em Bad isch Krach

    zom Essa ganga

    hoimwärds gwangd

    s Klo isch besetzd

    an Sonnabrand gfanga

    uffs Bedd nagschdrackd

    a jeder wetzd

    Sieschda gmachd

    Schnoga surrad

    s’Frühstück isch lau

    d’Liege nakrachd

    d’Katza schnurrad

    Krach mi dr Frau

    ens Wasser nai

    Grilla grillad

    d’Kender richda

    schnell wieder raus

    d’Kendr brüllad

    Hendl schlichda

    d’Gosch voller Salz

    dr Mond schaind rai

    na zom Schdrand

    naufgrennd schnell

    heiddanai

    d’Schuah voll Sand

    zom Imbißstand

    leer dr Wai

    s’Badsach schwer

    d’Fiaß verbrennd

    Auga zua

    neidabbd en Teer

    Vino gsoffa

    jetz isch Ruah

    Sonnaschirm glaud

    Weschderwald gsonga

     

    Sandburg baud

    wieder trocka dr Hals

     

     

     

     

     

     

     

     

     

     

     

 


    Schwooba senn half Tüftler
    Eine Schweizer Firma hat einen neuen Draht erfunden. Der ist allerdings so dünn, dass sie nicht in der Lage waren die Dicke zu messen.
    Auch den Amerikanern, den Engländern und auch den Franzosen gelang es nicht, diesen Draht zu messen. In ihrer Verzweiflung haben die
    Schweizer dann bei einem schwäbischen Mittelstandsbetrieb nachgefragt. Nach nur einem Tag ruft der Moischdr in der Schweiz an.
    “Also vermessa hemmrn. Des Drähdle isch 0,00000634 mm dick. Was sollad mr jedzd no macha? A Löchle naibohra, a Rohr draus macha
    odr a Gwend druff schneida?”

     

    Schwäbische Wegbeschreibung
    Ein Autofahrer fragt nach einer bestimmten Familie, die hier im Dorf wohnen soll. Hier die Auskunft: “Dia wohnad ganz henda domma. Wen se do fiersche 
    hendanom fahrad, miassad se s’ganze Gässle wiedr henderschefiersche zrigfahra, omdreah kennad se do henda nedd. Bessr isch, sia fahrad
    hendersche nomm ond fiersche wiedr firre. Fahrad se abr bloos koine Henna dod.” Diemal ohne Links - griagad selbr raus wia ma dees ibrsedzd.
    Tipp: Grondkurs, Lokaladverbien..
     

    Schwäbische Freundlichkeit
    Ein Raigschmeggdr geht in einem Weinberg spazieren. Plötzlich schreit zwischen den Reben der Weinbauer: “Machsch dass Du aus meim Wengrd rauskommsch, du Siach, du liadrlicher, oddr i schlag dr Leif a, dass uff de Schdomba hoimgraddla kaasch! I glaub du bisch z’bleed om a Loch en Schnee zom bronza!” Erschrocken entgegnet der der Ertappte: “Entschuldigung, ich bin fremd hier.” Da beruhigte ihn der Wengerdr gutmütig: “Deswega said mrs eich jo au em guada”. 

     

[Home] [Nuis] [Dr VfB ond i] [Grondkurs] [Maulfaul] [Gschichda] [Schbrich] [Oideidig zwoideidig] [Schwoba/Franzosa] [Schempfwerdr] [Sell ond jenes] [Musikalische Zeitreise] [Wörterbuch A-K] [Comics] [Mai Leba] [Impressum]