Trostgedicht für ein vom Freund verlassenes Mädchen
Ond bisch du traurig, o Mägdelein
ond glaubsch, es sei verfehld dai Leba,
so denk: Es gäbad au nedd älle Trauba Wein,
es muass au Zibeba geba
Drengschbrich
- Älle Äggarla, älle Wiesa miaßad ons da Hals naafließa. Proschd ond Proschd ond ällaweil Proschd ond wenn’s ons ‘s ganze Haisle koschd
- Hätt dr Adam schwäbisch’s Bier besessa - er hädd da Äpfl niemols gfressa
- Mir hoggad an dem ronda Disch ond saufad bis ‘r eckig isch
- Hoch da Kolba, nai dr Zenga, morga miass mr Wasser drenga, übermorga Mooschd - drom Proschd!
- Oh Alkohol du Wundergeischd, mach, dass du en maim Maga bleibsch. Du hosch mi scho ofd gnuag beschissa ond mi nachds ibr da Bettrand gschmissa. Drom sag i jedzd blooß ois - sauf mr no ois - Proschd!
- Dr Ondrschied zwischa ra Hauchzich ond ra Beerdigung? Uff dr Beerdigung isch emmer oi Bsoffener weniger.
- Musch dr hald a Weib vom Land nemma - no hosch au a Sau drhoim.
- Wer nix glernd hodd, ka au nix vergessa.
- Schaffa, schbara, Häusle baua, Hond vrkaufa, selbr bella.
- Oiganr Herd isch Goldes Werd - hodd dr Bäcker gmoind, wo er sai Frau naigschoba hodd.
- Dui isch schenant wia d’Kächales Katz - de sell gohd henderschefiersche da Boom nuff, dass mr s’Fiedla edd siehd.
- Dr Baur hot a hondsliadriche Schendmärr zum Weib ghet. Wega dem hot r no emmer gsaid: “Geil verregga
isch en Schrecka, Weibersterba koi verderba.
- “Beim Biegla gibt sich viel” hot dr Schneider gsaid, wo r gmerkt hot, dass dr Hosalada verkehrt rom neignäht isch.
- Wenn mr äbbas net so griagd hot, wia mr hot wella, dreschdad mir ons emmr selbr:
-Bessr dr Schbadz en dr Hand, als wia d’Daub uff am Dach
-Bessr als a Gosch voll Reißnägl
-Bessr als wia en d’hohl Hand gschiss
- En Geiziger wardad sogar beim Furz, bis zwoi draus worda sen
- Friher isch mr uff am Land jo noo em obnads vor am Haus zehmagsessa. Mir Kendr sen no emmr zom Mooschd holla gschiggd
worda. No hen dia Alde gmoind, se kennad äbbas schwädza, was ned fir onsre Aura beschdemmd isch. Des hen mir nadierlich
gwissd ond hen ganz schnell dr Mooschd ghold, ond noo no gloasnad.
Oft ischs no au om d’Mädla ganga.
Nochbr:
“Hosch Du dui geschdrn gseah, wia vill Rossmugga dui em Gsichd ghet hot? Dui hot beschdemmd en ganza Dag mit em
Deifl Kuahdregg droscha. Ond so a wiaschde Dengre will am Samschdich heirada.!
Mai Ähne:
Awa, dees machd doch nix. A wiaschdr Vogl hot au a schees Neschdle. Ond außerdem kaa ma a Gsichd au zuadegga.
Dr Karle isch jesasmäßig bsoffa vom “Ochsa” hoimkomma. Sei Karlena schreid en a:
“Jedr Ochs woiß wennr gnug hot” Moind dr Karle: “Wenn i Wassr saufa miast, no wissd i des ao.”
- Wenn mr dei Weib von weidam sieht, no moind mr, 's wär a Rendviech. Wenn se aber näher kommt, no isch's a Tatsach.
- Bachel wia di hodd mr friher bis zom Hals eingraba, ond was rausguggd hodd, des hodd mr oifach weggschabd.
- Wie ein Schwabe ein sicheres Passwort wählt
Bitte geben Sie ein Passwort ein
mauldasch
Entschuldigen Sie, Ihr Passwort ist leider zu kurz
mauldasch mit kartoffelsalat
Entschuldigen Sie, Ihr Passwort muss mindestens eine Zahl beinhalten
1 mauldasch mit kartoffelsalat
Entschuldigen Sie, Ihr Passwort muss mindestens einen Umlaut enthalten
1 gschmälzte mauldasch mit kartoffelsalat
Entschuldigen Sie, Ihr Passwort darf kein Leerzeichen enthalten
1gschmälztemauldaschamitkartoffelsalatduseggl
Entschuldigen Sie, Ihr Passwort muss mindestens einen Großbuchstaben enthalten
10gschmälztemauldaschamitkartoffelsalatdusegglHEIDANEI
Entschuldigen Sie, Ihr Passwort muss mindestens 1 Sonderzeichen enthalten
10gschmälztemauldaschamitkartoffelsalatdusegglHEIDANEIgr@natadaggl
Entschuldigen Sie, Ihr Passwort darf nur Grossbuchstaben haben, die nicht aufeinanderfolgend sind
Jetzischgnuagheihondaihrobergscheidle10gschmälztemauldaschamitkartoffelsalatondihau-
euchogspidzdendrbodaneidusegglHeidaneidassdidrherrgottmitdrbeisszangwiedrrausziegakagr@natadaggl
Entschuldigen Sie, dieses Passwort ist bereits vergeben. Bitte wählen Sie ein neues!
|
